Singapore i a Um mi Chin Nungak pakhat cu a Umnak hna nih Police sin ah report an timh caah a Zam i Lamkam ah Umnak ngei lo in a Vakvai – (Video)

Singapore i mi sin a um mi Chin Nu pakhat cu a um nak hna nih kum tling lo in singapore ah na ra i misin um na rak ttuan caah police kan in tlaih ter lai an ti. A um nak hna nih cu ti an ti tik ah hi kan Chin Nu hi a thin a phang tuk i a um nak inn in a zaam.

A pi le pu um lo kar ah a thli tein a chuak mi a si caah um nak le kal nak zong thei lo in lamkam ah a vai. Cu ti lamkam i awlawkchong in a vahvai lio ah kawl nu pakhat nih a va hmuh ngelcel i kawl nu nih cun a sining pawl cu a hal.

Ka kum hi kum 25 ka si cang ko nain ka um nak ka pi le kapu nih kum 25 na tling rih lo caah Singapore ah mi sin um rian ttuawn khawh na si loh. Cucaah police sin ah kan in chiah lai i an in tlaih lai an ka ti lengmang caah ka ttih tuk i a tu bantuk in a thli tein ka zam nak hi a si tiin Chin nu nih hin kawl nu sin ah cun a ton mi thil cu a chimh.

Kawlnu nih cun ‘ ka rian ah kal colh ka duh caah hmun pakhatkhat i kal pi ding in caan ka ngei fawn loh i zeitindah kan ti hnga? MOM (Mi sinum a bawmtu pawl) teh na chawnh ko hna a ti i’ Chin nu nih cun ‘ Agent chawnh ka duh ka ti tawn i ka pi le k apu nih an duh lo i phone ka ngei fawn lo caah ka chawnh kho tawn hna loh, cun ka passport zong an sin ah a um dih fawn’ tiin a ti.

Kawl nu nih cun Chin nu cu na puaisa number na ngei maw tiin a hal i Chin nu nih cun U HLim timi phon number cu a pek i Kawl Nu nih cun phon number cu a lak i an video record mi zong cu a dih colh ve. Kawlnu nih hin a bawm kho thai maw zeitindah chin nu hi a umtuning a si thai ti cu an thawngpang theih a si ti loh.

Video: The Chin Times

Be the first to comment

Leave a Reply

Your email address will not be published.


*