Thawngthar – Kalay Nungak Chan Mon Thihnak kong ah Biafiang theih a si cang – A Dl Hlun he Nuva sualnak an hman hnu ah a Dl hlun nih a thah – An konglam hi a rak mak taktak

Kalay myo i sianginn a kai cuahmah mi Chan Mon thih nak kong cu thawng rak thanh cia a si bantuk in zeimawzat a konglam cu laimi zong nih kan theih cia dih cang khah. Hi a thihnak kong ah hin thawngpang theih ding tete a tam ngai. Hi a thihnak kong ah hin Mandalay palik pawl cu Kalaymyo palik nih an pehtlaih hna i Chan Mon thihnak hi kanmah Kalaymyo palik nih kan buaipi ko lai tiin an hal hna.

Thah a tong mi nu Chan Mon i a min taktak cu Aye Chan Mon a si i kalaymyo i a um mi a si. Amah thattu hi Zan Min Htet a si i a facebook min cu Kwee ti a si. Hi hna pahnih Zan Min Htet le Chan Mon hi a hlan ah a rak i duh mi an si i an i tthen hnu zong ah hin Chan Mon nih hin Zan Min Htet hi a philh kho loh i a duh peng rih ti a si.

Zan Min Htet hi sii tama a si caah thil te pawl zong biatak ngaiin a fir tawn cang mi a si tiin a thawng theih a si. September 20 lio zong ah khan Tammu ah Bike a rak fir cua fir mi bike cu ting 13 in a rak zuar. Ting 10 cu a dl Yu Yu Hrwe timi nu a rak pek i tingthum tu cu a duh paoh in a cen nak.

September 25 nih ah Zan Min Htet nih hin a Dl hlun Chan Mon cu phone in a hei chawnh i Kalay University luhnak innkaa hram ah i tong dingin a hei chimh. University innkaa hram ah cun an i tong i cycle an i phirh i lam an leng tti. an len nak lei hi Ye-San-Kyun pura lei ah a si. Zanlei similam 3 in 5 tiang an umm tti hnu ah an um nak hmun in a thlanglei deuh hmunrem ngai ah cun an i tthial i cuka hmun ah cun caantha an la i an i kom. Suimilam 6 hrawng ah Zan Min Htet nih hin Chan Mon cu a hngawng ah a reh i a thih tiang a thlah duh loh, thi lak in a reh. Micheukhat chim ning ah le ttial ning ah cun nuva sualnak an hman hnu ah a hngawng ah a reh i nam in a zei ti hna in an chim nain Chan Mon nu le pa nih an pom loh.Zan Min Htet nih Chan Mon ruak cu mi hmuh lo nak ding ah a chiah ta i khuachung ah a kal tak phot.

Zan suimilam 7 hrawng a tlin in a ruak cu ka va lak i Mit-Tar tiva ah a ruak cu ka hlonh tiin Zan Min Htet nih Mandalay palik sin ah a chim. Zan Min Htet hi Mandalay palik kutchung ah a u m cuahmah lio a si.

Zan Min Htet Dl a si lio mi Yu Yu Htwe nih cun Chan Mon a thih nak konglam ah zeihmanh ai tel mi le a theih lo nak konglam cu a fp ah a rak post ve, chan Mon he hin ai chawn bal mi zong kan si loh tiin a nolh chih. Ka Dl he hin pagaan kan kal tti zong ah zeihmanh ka thei loh tiin a chim (Chan Mon a thih hnu ah hin pagan ah an kal). Mangalay kan phak i Zan Min Htet an tlaih hnu lawng ah hin thil sining hi ka theih ve tiin a ti.

Chan Mon a nu le a pa nih an fanu kong he pehtlaih in thil fiang cikcek kan theih hlan ah le a ruak kan hmuh hlan ah cun zangfahnak tein RIP kan ti piak rih hlah uh tiin mipi sin ah nawlnak an tuah.

The Voice

Be the first to comment

Leave a Reply

Your email address will not be published.


*